Donker Afrika

 

Ahoy daar medeslagoffers van propaganda en begogeling! Afrika wil nou weer onder kontinentale begrendeling geplaas word! Glo apiestuipe of apiepokke! Maskers, dodelike inspuitings en propagandafilms om weereens die hulpelose "bottom billion" in Afrika verder te traumatiseer, te ontmagtig, verder te onderdruk en verder te plunder? Vanoggend hier op die kaai wonder ek waarom Kaptein van Hunks so selftevrede in sy mou lag? Nee, hy het weer voegdag saam met die Duiwel 'n pypie gaan rook daar op Duiwelspiek. Die Duiwel het hom glo baie tevrede vertel dat hy en sy demone, en hulle dissipels hier op aarde so goed gedoen het met moord en roof tydens 2020 se plandemie, dat hulle nou 'n groter een in Afrika gaan loslaat sodat die VSA die beherende, onderdrukkende en plunderende greep op Afrika kan versterk, - voor die Russe se vastrapplek in Afrika die ewewig vir die beheer en bestuur van die Nuwe Globale Orde kan wysig. Dit terwyl van die Oekraine se ondinge, waaronder laboratoriums, en siektes van vlermuise en apies, gevleuldes en varkies, blykbaar nou na sonnige SA oorgeplaas word. Daarbenewens is die kritiese konflikminerale uit die DR Kongo baie nodig om in die VSA as 'n strydwaperd se moordadige hande te bly, sodat die oorlog met Rusland en in die Midde Ooste aan die gang gehou kan word met gesofistikeerde wapentuig en slim tegnologie (wat my en jou slimfoon in die huis, in die kantoor, in die regering en in kerkhoofkwartiere) kan instandhou. Lyk my nie die Christendom leer iets uit al die talle en omvangryke verslae sedert 2020 nie. Dat maskers en inspuitings NIE werk nie. Dat die hele situasie deur reuse somme omkoopgeld, akteurs, marionette en "gullible citizens as well as comatose Christians" bewimpel word! So neem kwaadwilligheid wereldwyd fel toe, terwyl die Kerk meerderwaardig maar hulpeloos en geestelik eksklusief toekyk. Geloof in akie vir geregtigheid of 'n praktiese gees van onderskeiding in Christene is blykbaar nie meer deel of gevolg van die post-moderne teologie nie? Aktiewe laat U Koninkryk kom word verruil vir passiewe laat maar begaan en ly ernstige skade sit-sit-so wag-vir-beter-dae houdings.

 

Prestasie

 

Ahoy daar mede-onderpresteerders! Dit gaan hier nou weer oor Christene wat onderpresteer terwyl Nuwe Ordes uitblink in hul dryfkrag om wereldwyd onreg teweeg te bring. Ons ken die Kaapse verhaal van Kaptein Jan van Hunks wat 'n pyprookkompetisie en weddenskap met die Duiwel op Tafelberg aangegaan het, en dat die twee toe so pyp gerook het dat 'n wolkekombers steeds soms oor Tafelberg hang! Soms gesels ek met Van Hunks daar op die kaai in die Kaapse Hawe, daar langs ons skepe wat wag vir vrag in 'n ekonomie wat internasionaal gemanipuleer word. Net vanoggend vertel Van Hunks weer vir my dat ek darem veels te bekommerd is oor ons mense in die kerkbanke wat hoegenaamd geen verskil maak aan die verval rondom ons nie. Hulle is getrou godsdienstig, meen Van Hunks. Die Duiwel reken glo dat dit 'n baie goeie ding is dat soveel Christene in die kerkbanke (bly) sit. Maar ek het weer gaan nadink toe Van Hunks my vertel dat hy eers weer nog tabak sal moet gaan kry, want sy kompetisie met die duiwel is steeds aan die gang. Zimbabwe het glo eens op 'n tyd baie tabak gelewer. Waarom het Christene in die ou Rhodesie en die Ou Suid-Afrika ekonomies so goed presteer? So ook in die "ou Weste". Europa, die VK, VSA, NZ, AU, Kanada en Duits-Wes. Want Christene het hard gewerk. Hulle het as verantwoordelike rentmeesters vir ses dae van die week al hulle werk gedoen! Daar is deesdae ook 'n ander faktor wat moontlik 'n oorsaak is van geloof sonder werke. Wereldbeskouing! Ons Christene hou nie meer God sentraal nie. Ook nie vir Jesus Christus as Koning op die troon van ons lewe nie! Ons handhaaf nie meer die Tien Gebooie op die tafels van ons harte nie en hou nie meer als wat in die Bybel as die Woord van God staan, as die standaard, riglyn en maatstaf vir ons denke, besluite en optrede nie. Elke lering onder die son oorweldig ons, terwyl ons apaties toekyk hoe onreg die groterwordende botoon voer rondom ons. Hoe gaan ons maak om effektief by herlewing, herstel en Koninkrykprestasie uit te kom? Spoedig! Geloof sonder werke is dood!

Kerkgangers en Christene

 

Ahoy daar geloofsgenote in sonnige Suid Afrika! Verstommend hoe die Kerk verander het sedert die "Greatest Century of Missions" en die "Greatest Century of Reformation" (boeke geskryf deur dr Peter Hammond van Frontline Fellowhip). Iewers is die Heilige Gees se vuur geblus. Die kerk is louwarm in 'n halwe evangelie van kerk-toe gaan, tiendes, nagmaal, doop, troues en enkele bidure, en koffie na die diens, - maar die Groot Opdrag of sout. lig en Koninkryksuurdeeg wat ons gemeenskappe moet aanraak en verander, is afwesig. Die voorlopers van die Antichris en die werkers van onreg voer die botoon, wereldwyd! Ook in (89,8%) Christelike SA en (92%) Christelike DR Kongo waar ons SANW troepe nou die VN uithelp, maar verliese ly! Is dit omdat SA die Zioniste en hulle strydwaperde Britanje en Amerika se agenda bevraagteken? Wat is die rol van die Kerk in Afrika? 'n Blote geestelike selfbevrediging en ontsnapping van brutale werklikhede vir godsdienstige maar apatiese massas, of die ketelkamer vir gebed en geloof in aksie wat die verskil op alle vlakke, sfere en terreine van die samelewing moet maak? Waar is ons Christen Konings, Priesters en Profete? Die "pa van die huis"? Die Vyfvoudige bedieningsgawes wat alles moet en kan dek t.o.v ten volle funksionele en Volle Evangelie gemeentes, regdeur SA? Wanneer kom die Evangelie van Vrede terug in Suidelike-Afrika? Wanneer AL die kerke weer sendelinge of getuieniswerkers uitstuur om die Goeie Nuus te verkondig tot aan die uiterstes van die aarde. Ons mense, - ek en jy, - is Christene. Ons Christen mense weet van beter, - want ons ken die Weg, die Waarheid en die Lewe. Ons Christen mense is verantwoordelik!

Gevriesde Vis

 Ahoy daar Dissipels! Vissers van mense! Maar hoor julle daar? Die visse is gevries! Die Vlug of Veg gereedheid van ons Christen Stryders het getaan! Terwyl die 2024 "demokratiese" verkiesing in SA nog geen oortuigende resultate gelewer het nie, voel dit asof belangrike dinge in en om SA aan 'n draadjie hang. Die onsekerhede en angstighede duur voort op grondvlak, terwyl die politieke elite redekawel, wedywer en konkel (vir eie gewin)! Waar is al die Christen SAners? Bevrore - soos Otzi die Ysman! Van gener waarde vir geregtigheid nie. Geen koalisie van al die mikro partye soos #Hope4SA en die talle ander wat stemme maar nie setels kry nie. Grondvlakstrukture in SA bly steeds te pap om daadwerklike en oortuigende inspraak of protes te lewer. Nuwe Ordes beur voort om ongeregtigheid te posisioneer voor 2030. Slaan my met 'n pap of bevrore snoek, - maar geloof sonder werke is ons ondergang!

SA 2030

 

Ahoy daar SA Kiesers! Die Nuwe (Orde) SA sedert 27 April 1994 het toe nie so mooi uitgedraai nie! Komende Woensdag, 29 Mei 2024 kan "ware SAners" die verskil maak by die stembus en daarna "for ever more". Ons weet nou meeste politici is daar vir hul eie egos en sakke. Opperste boewe wat dikwels leuns besig, steel en plunder, kwaad doen en skade aanrig op die rugge, stemme en beursies van landsburgers. Kiesers moet dus ook voorts die keuse en verbintenis maak om strukture en meganismes te vestig wat effektief druk op "amptenary" in die regering, munisipaliteite en organisasies kan bring om die regte dinge te doen, betyds, eerste keer, elke keer! Veral ons sit-sit-so vroom Christene in SA wat meer as 85 000 kerke volsit, die kerkkoffers stuif, salarisse en kerkbegrotings steun maar geen of bitterlik min vrug in SA beleef of teweeg bring nie.Wie het met die storie vorendag gekom dat Christene nie by politiek betrokke moet wees nie? Ja, soos met geld, - wees versigtig, maar benut dit! Is God nie die God van die HELE skepping nie? Geen wonder dit is tans net heidense boosdoeners wat die "demokrasie" en politiek misbruik! Asseblief SA Christene. Maak 'n tasbare, praktiese, dag tot dag verskil op ELKE terrein in SA, vanaf sonop, 30 Mei 2024! Ons kan nie maar net (selfs met goeie oordeel) stem en dan weer terugsit as ons nou baie duidelik WEET dat politici vir ons tot groeiende globale skade is nie. Stem en DOEN reg! Die toekoms hang daarvan af!

Wat het van die Kerk geword?

 Ahoy daar, Heiliges! Dis nou 'n aantal jare sedert die Gemeente van Handelinge en sedert Jan van Riebeeck die eerste gebed op die strand in Tafelbaai gedoen het. Maar wat het geword van die Kerk in Suid Afrika? Die vraag is nou al telkemale gevra, maar wat bereik die Kerk met 'n erediens een maal per week en hope finansieele uitgawees? Het hierdie kerkroetines en klubsoortighede bygedra tot 'n beter SA of 'n beter wereld? Die Weste wat tradisioneel as Christen gesien is, en wereldwyd sendingwerk gedoen het, word nou bejeen as strydlustig, brutaal en liefdeloos!? Gaan ons aanhou om ons self en mekaar besig te hou met teologiese strydpunte, rassisme, kommunisme, feminisme, alkoholisme, snobisme, pronouns, geslagsverwarring, woke gemors, leungeeste en misleidende politiekery, of gaan ons weer ons Bybels oopslaan en voorts nadat ons geestelik verfris uit die erediens stap, 'n tasbare, Christelike, geloof in aksie verskil maak, 6 dae van elke week? Kom dan nou Christene, - ons mag nie langer aanhou om "introvert" en "incognito" of slaafs-kopknikkend te wees, terwyl SA skynbaar deur heidende en vals Christene verrinneweer word, uitmekaar val en Afrika, - ons Kontinent, -  geplunder word nie! Vind jou nis! Doen jou ding saam met ander! Maak 'n daadwerklike verskil vir reg en geregtigheid!

Die tyd is min

 Ahoy daar, Christen Stryders en Vryheidsgesindes! Vanoggend vroegdag, met sonsopkoms, is ek hier op die kaai om te kyk dat al die vasmeertroue nog goed vas is. Tog jammer, want op die oop see sukkel 'n seevaarder op pad na die volgende hawe met vrag en handelsbriewe nie met vasmeertoue en hyskrane op die kaai wat nie werk nie! Van Hunks kom toe ewe rammetjie-uitnek hier by my aan. Ramkat, want hy't nou eers weer 'n stewige stopsel saam met die Duiwel daar op Duiwelspiek gaan rook. Nee, reken Van Hunks, die oud-Europieers in sonnige Suid Afrika se dae is getel! Elke liberale en suksesvol-gebreinspoelde Nuwe Orde denker in, om en buite SA het hul mes in vir die "Groot Bedreiging". 'n Godvresende Boere-en Afrikanervolk wat in eendrag saamstaan en in verskil in en vauit SA sal maak. Van Hunks beweer dat kerke en politiek die blanke in SA in 'n gerustellende beswyming plaas, terwyl werkers van ongeregtigheid rasse haat aanblaas rondom ons.Nou wat sal 'n matroos met 23 jaar see-ondervinding nou weet, behalwe dat blankes in talle plekke op aarde al uitgemoor is. Miskien, ter wille van die Koninkryksadministrasie van SA en Suidelike-Afrika, moet ons klein kuddetjie met groter omsigtigheid, vooruitskouing en struktuur posisioneer. Dit gaan nie net oor oorlewing nie, dit gaan oor die Koninkryksoorwining. Om te handhaaf en hou in verantwoordelikheid voor God en mens.

Dek die tafel voor ons teenstaanders

 

Ahoy daar Volksgenote! Terwyl die kritiese gemors rondom ons as oud Europese Christen Boere- en Afrikaner mensegroep  hier aan die strategiese suidpunt van Afrika daagliks al groter word, bly ons verstommend onverskillig, verdeeld en onverrigtersake rondom ons eie voortbestaansregvoortsetting. Net gister praat ek met Kaptein Van Hunks hier op die kaai van die Kaapse Hawe, waar swak regering en verval in dienstelewering ook daagliks sigbaar is. Daar buite wag vragskepe ten duurste om vrag te kom aflaai of oplaai. Van Hunks rook mos pyp saam met die Duiwel daar op Duiwelspiek, en reken dat ons glad nie bekommerd moet wees nie. Alles sal regkom in 'n goddelose of selfs Satanaanbiddende multi-kulturele eenheidstaat Nuwe Suid Afrika! Dit kan tog nie die waarheid wees nie! Na mening is ons mense se beste kans op Godvresende bestaansregvoortsetting afhanklik van 'n "stewige tafel" waarvan die vier bene bestaande uit Afrikaners, Boervolk, eie politiek en eie kerk hul posisies, verantwoordelikheid en bydrae handhaaf en hou met een volksgemeenskaplike selfbeskikkende fokus tusen ander volke, tale, nasies en stamme. Om onverskillig, verdeeld en apaties-onverrigtersake voort te ploeter kan tog geen volhoubare en verskansende bestaansregmeganisme skep en instandhou nie. Hierdie stewige tafel konsep, as illustrasie of model is krities nodig as ons hierdie stewige tafel voor die aangesig van Nuwe Ordes en Anrichris teenstaanders gedek wil sien. Op so 'n tafel kan ons mense as families saam eet, huisgodsdiens hou, die kinders kosgee en huiwerk laat doen, en nagmaal gehou word. Daarsonder gaan ons aanhou wankel en onbekostigbare verliese te ly en kan ons nie 'n standvastige en samehorige, stigtelike bydrae onderling, in SA en in Afrika maak nie!

Grof en Onbeskof

 

Ahoy daar, behoudende volksgenote! Vandag wil ek asb. beswaar aanteken. 'n Godvresende, Bloedgewasde Geloftevolk kan tog seker nie 'n vloekende, swetsende volk wees nie? Waarom 85 000 of meer kerke, bedienings en Christen organisasies in sonnige SA geen oortuigende verskil maak aan die Totale Aanslag van ongeregtigheid teen ons land, die Westerse beskawing, bankes en Afrikaners nie, is onduidelik. Maar daar is diegene wat verdienstelik beswaar maak en protesteer teen onreg, maar hulle frustrasie is blykbaar so groot oor die apatie wat ons in hierdie wereldse gemors en moeras van onreg laat, dat hulle moet vloek, swets en woes beduie. Wat die hart van vol is loop die mond van oor. (Die Bybel leer dat "the heart is the wellspring of life.") In wie se geregtigheid probeer ons die talle probleme rondom ons aanspreek? Eiesinnige eiegeregtigheid of God se Gebod en God se Geregtigheid? Die Lewende God het 'n standaard. Jesus Christus en die Bybel spel die werkwyse, leefstyl en vrug van die Christen uit. Ons kan nie onreg met onreg aanspreek nie. Dit maak dit ook moeilik en ongemaklik in die Christen milieu om besware, protes en idees te netwerk as die outeur of voorspraakmakers vloek of onwelvoeglik manifesteer. Self kan ek as matroos getuig dat om rook, drink, vloek en ander dinge van die vlees in eie krag af te sweer, baie moeiik is. Soveel van ons mense, - veral ook ons Afrikaner vrouens en van ons kinders, - vloek opmerklik baie. Volksgenote, ons moet die moraliteit van God en Gebod en die Bybel so op die hart dra dat ons doen en late die etiek van 'n Christen as voorbeeld en inspirasie kan uitdra. "What would Jesus do?" Maar ek het begrip vir die groot frustrasie oor ongeregtigheid rondom ons. 'n Gevrekde Volk, 'n gevrekde Kerk en  uiters gefrustreerde Christen mense sleep ons al dieper in die groeiende gemors in!

Rentmeesters in 2024

Ahoy daar besorgdes! Ek het lanklaas met Kaptein van Hunks hier op die kaai onder ou Tafelberg gesels. Ons het albei intussen ons skepe bietjie oorgeverf en opgeknap, en ons laat nou ons hoofenjins versien. Vanoggend net na sonop, so op die Nuwejaar van 2024, noem ek vir Van Hunks wat altyd na pyprook ruik en die Duiwel goedpraat, dat ek besorgd is oor mense in Suid Afrika wat van beter weet maar sedert 1994 nie beter doen nie. Van Hunks reken daar is niks hoegenaamd om oor bekommerd te wees nie. Alles sal regkom, - want die Duiwel werk lankal reeds met 'n plan. Ek is nie so seker nie. Ek dink nie nog 'n jaar van rentmeesters wat heeldag rondsit op sosiale media, of godsdiensgeeste as 'n ontsnappingsroete gebruik of verdeelthede instandhou, gaan die rentmeesterskapwerk en verantwoordelikheid wat tans duidelik tekortskiet, oorbrug nie. My pleidooi is dat ons met "holistiese" visie, 'n groter perspektief en 'n doelmatige sinergie sal moet bewerk. Daar gaan myns insiens baie beter struktuur, samewerking en visie in praktyd gerealiseer moet word. Elke Vryburger en elke kerklidmaat 'n bondgenoot van geregtigheid en geloof in aksie. Voorwaarts!